புறப்படு தோழா… புறப்படு…

இன்னும் தூக்கம் எதற்கு தோழா புறப்படு…
துக்கம் தொலைக்க தூக்கம் தொலைத்து புறப்படு…
ஜனநாயகம் காக்க இளம் நாயகனே நீ புறப்படு…
மதவாதம் போக்க பிடிவாதத்தோடு நீ புறப்படு…
சாதியை ஒழித்த சாதனையாளனே நீ புறப்படு…
நெஞ்சில் சுமக்கும் நீதியோடு நீ புறப்படு…
வஞ்சம் சுமக்கும் அனீதிக்கெதிராய் நீ புறப்படு…
ஊடக தீவிரவாதத்தை தீர்த்துக்கட்ட நீ புறப்படு…
அசுத்த அரசியலை சுத்தமாக்க நீ புறப்படு…
தாழ்ந்தவனல்லவே தோழா நீ புறப்படு…
தாழ்த்தப்பட்டவனே தோழா நீ புறப்படு…
தாழ்த்தியவனை வீழ்த்துவதற்க்கு நீ புறப்படு…
பிற்படுத்தப்பட்ட முற்போக்காளனே நீ புறப்படு…
பிற்படுத்தியவனை பின்னுக்கு தள்ள நீ புறப்படு…
புறப்படு தோழா புறப்படு…
விழித்தெழு தோழா விழித்தெழு…
இன்னும் தூக்கம் எதற்கு தோழா புறப்படு…
அன்புடன்
முத்துப்பேட்டை அலீம்
நான் முஹம்மது அலீம், சமூகத்தின் அவலங்களையும், பிரச்சினைகளையும் களையவேண்டுமென்ற நோக்கில் செயலாற்றக்கூடியவன். சமுதாய அமைப்பில் பொருப்புவகித்தாலும், ஒருபக்க சார்பில்லாத நிலையில் அல்லாஹ் சொல்லும் நடுநிலையை பேணக்கூடியவன். சமூகத்தின் மத்தியில் விழிப்புணர்வை ஏற்படுத்தி சமூகத்தின் முன்னேற்றத்திற்காகவும், சமூகத்தின் குரலாகவும் ஒலிப்பதே இத்தளத்தின் நோக்கமாக கொண்டு எழுதுகின்றேன். இன்றில்லாவிட்டாலும் என்றாவது ஒருநாள் என் சமூகம் முன்னேறும், வெற்றி பெறும். இன்ஷா அல்லாஹ்...

Leave a Reply

Your email address will not be published.